بنت النور
مشرفه
عدد الرسائل : 1700
العمر : 37
البلد : سعوديه
المزاج : مروقه
الوظيفة : امممممممم
تاريخ التسجيل : 26/10/2007
 |  موضوع: كـــفــايــــــه  26/10/07, 09:35 pm | |
| كفايه صار لك شهرين غايـب عنـي يالغالـي كفايه يـا اعـز النـاس تـرا والله مـا اقـدر
دخيلـك لا تخيـب فيـك هقـواتـي وامـالـي واذا انها عالصبر والله وغلاتك عندي راح اصبر
ابتحمـل عنـا فرقـاك وحالـي يرثـي لحالـي معني والله لين اليوم مدري ليـش بـس تهجـر
ابعرف شالسبب ارجوك وش اللي بس يجرالـي انا شسويت يـا ربـي عشـان تثـور وتتفجـر
انا والله ما استاهـل ابـد كـل اللـي يجرالـي اقل ما فيها بـس قللـي سبـب خـلاك تتغيـر
ابعرف بس شالموضوع علامك صرت ما تبالي بذمة كل اهلك فيوم شفتنـي بشـي انـا مقصـر
عطيتك قلبي وروحـي وهبتـك حالـي ومالـي حملت احساس هالدنيا وعطيته لـك وانـا افخـر
عشقتك عشق لا قبلـه ولا بعـده انعشـق تالـي هويتك موت واتخيـل اليـن المـوت واتصـور
واذا جاني مسج منـك مخـزن رقمـك الغالـي ولا امسـح رسالاتـك اتـم اقراهـا وافـكـر
واحلـل كـل كلمـه بالمسـج الله يـا غربالـي واقول بخاطري معقوله حاسـس فينـي ويشعـر
وارد اقـول لأ يمكـن تذكرنـي وهـو سالـي لاني توني مطرش مسج طـرش مسـج يشكـر
وارد اقـول لأ ادري يبينـي وحاسـس بحالـي وارد اقول لا ما اظن عـلا بالـه انـا اخطـر
الين انـي انـا اتاكـدت قلبـه بالفعـل خالـي ولا غيري انـا بقلبـه يحبنـي مـوت ويقـدر
لاني مره مالمرات طـرت فكـره عـلا بالـي نويت ازعل بدون اسباب واشوفـه لـو بيتاثـر
ابعرف قـدري بقلبـه بيهمـه وظعـي الحالـي او انـه راح يطنشنـي ولا ياسـال ويستفسـر
وفعـلا دق مـا جاوبـت حرقلـي والله جوالـي ثلاث الاف مره دق وانـا مطنـش ولا معبـر
كتبلي بالمسج اطلـع انـا عنـد بابـك الحالـي قسـم بالله مـا تطلـع لاخربهـا انـا واحقـر
ومشكلتـي اعرفـه زيـن يسويهـا ولا يبالـي نزلت وخاطره مكسـور يقـول شفيـك متغيـر
وقلتلـه بـس ابتاكـد اذا قـدري معـك عالـي ضحكلي وقالي اتاكـدت ودمعـه بلـل المحجـر
وطارت فيني الدنيـا لمكانـي صاحبـي جالـي تعذر لي وانا الغلطان وانـا اللـي لازم اتعـذر
بعدها عشت احلـى ايـام فـي قربـه هنيالـي وصلنا لمرحله ما نفتـرق عـن بعظنـا واكثـر
بعدها فجـاه خلانـي ولا يسـال عـن احوالـي وانا في خاطـري ادري محـال فيـوم يتغيـر
ادق له ما يجاوبنـي بديـت اشـك فـي حالـي اخاف انه حصل له شـي اخافـه بـس متكـدر
لعب في قلبـي الوسـواس خيالـه مـا تهيالـي حوالي الف مسج طرشت حبيبي يا عسى ما شـر
ولا جاوب وانا قاعد على اعصابـي وغربالـي حبيبي صار له اسبوع فينـي حتـى مـا فكـر
الين اني عرفـت شلـون اخلـي خلـي الغالـي يكلمني وجت فكره بعـد مـا مـت وانـا افكـر
وفعلا اتصل فينـي وبـدت احزانـي واهوالـي وكانت صدمتـي كبيـره علـي الغالـي اتغيـر
سالته قلتله وش فيـك مـا مـن شـر يالغالـي وش اللي صار بالدنيا علامـك ليـش متبعثـر
او انك يعني ما تدري بدونك صرت انا لحالـي ولا لي خلق اي انسان كثر ما فيـك انـا افكـر
وجاوبني وقال ارجوك ابـي هالدنيـا تصفالـي انا مليت مـن وظعـي واشـوف الكـل متغيـر
انا ظاقت بي الدنيـا وابـي ابقـى انـا لحالـي خلاص اتركني لا تسال وانا برجع عقب اشهـر
وقلتله مو علي تكـذب اعرفـك تظعـف قبالـي تكلم قول شالموضـوع بـدا قلبـي يـدق اكثـر
سكت لحظه وقال ارجووووك ابعد عني يالغالـي وخلني اذكـرك بالخيـر وانتـه مثلـي اتذكـر
ولا اتطرش مسج واحد ولا اتدق لي ابـد تالـي واذا لي خاطـرن عنـدك لا تتكلـم ابـد سكـر
وقلتله والله ما اسكـر اليـن تقـول وتصفالـي وقالي والله ما اتكلـم ولـو تبكـي دمـع احمـر
ولكن شوف ربعك وانته تعرف بس وش جالـي خلاص افهمها عالطاير ولتحرجنـي بعـد اكثـر
وسكـر والدمـع فينـي عـلا الخديـن همالـي قسـم بالله مـا ادري علامـه قلبـه اتحـجـر
فوادي انهار وانا حملـي يهـد جبـال وجبالـي في لحظه صارت الدنيا في عيني هالكبر واصغر
حسافـه مـا توقعتـه يصـدق فينـي عـذالـي حسافه ما هقيتـه يـوم يصـد عنـي ويتغيـر
بعدها صارلي ما صـار وربـي يعلـم بحالـي فوادي باقي بس شوي واحسـه مالجسـم يظهـر
بديت اعرق ومدري ليش وخابـت كـل امالـي انا اتوقعت كل النـاس ولا توقعـت هـو ينكـر
وقلت بخاطري خلـه مصيـره يرجـع الغالـي اكيد انه سمع اي شـي وجـوه صـار متعكـر
ولكـن طـول اغيابـه وزادت فينـي اعلالـي مرض قلبي تعب فكري واحسه جسمـي متخـدر
وقلت خلني اطرشلـه مسـج واشكيلـه احوالـي وطرشت المسج وشوي دق لي ودون مـا افكـر
هلا والله يا اغلـى النـاس هـلا والله بالغالـي الو طـارق مـا قلتلـك لا تذكرنـي او اذكـر
ابي بس اذكرك بالخير ياخي خلنـي فـي حالـي وقلت وخاطري مكسور انا اسـف ومـا اكـرر
قسـم بالله ليـن اليـوم وحالـي يرثـي لحالـي قسم بالله الين اليوم ولا ادري ليش اهـو اتغيـر
قسم بالله ما غظـت عيونـي ولا هـدى بالـي قسم بالله مـا مـر يـوم الا وفيـه انـا افكـر
قسـم بالله قلـت بنسـاه بـس طيفـه يتهيالـي قسـم بالله لـو حاولـت انـا انسـاه اتـذكـر
الين اليوم انـا عنـدي امـل يرجـع ويصفالـي اقول الشوق بيـرده علـى فرقـاي مـا يقـدر
الين اليـوم وظحكاتـه وبسماتـه علـى بالـي الين اليوم ما ارقـد كثـر مـا فيـه انـا افكـر
ابعرف شالسبب ارجوك وش اللي بس يجرالـي انا شسويـت ياربـي عشـان تثـور وتتفجـر
انا والله ما استاهـل ابـد كـل اللـي يجرالـي اقل ما فيها بـس قلـي سبـب خـلاك تتغيـر
ابعرف بس شالموضوع علامك صرت ما تبالي بذمة كل اهلك فيوم شفتنـي بشـي انـا مقصـر
انا راح انتظر ردك ولـو حتـى بمسـج خالـي واذا ما جاني منك الرد وغلاتك عندي راح اصبر
سنه سنتيـن اللـي يهـم اشوفـك ثانـي قبالـي ثلاث سنين او اربع ابصبر يعنـي راح اصبـر
ولكن حكم احساسك وجاوب يا اغلى كـل غالـي بذمـة والديـك يهـون تنسـانـي ولا تـذكـر
يهـون انـك تخلينـي ولا تسـال ولا تبـالـي يهون انك تنـام الليـل وتتركنـي انـا اسهـر
كفايه صار لك شهرين غايـب عنـي يالغالـي كفايه يـا اعـز النـاس تـرا والله مـا اقـدر
دخيلـك لا تخيـب فيـك هقـواتـي وامـالـي واذا انها عالصبر والله وغلاتك عندي راح اصبر | |
|
الحلم_الكبير؟
((( نــا ئــب الــمــديــر الــعـام)))
عدد الرسائل : 2817
العمر : 44
البلد : ksa
المزاج : عااااال العاااال
تاريخ التسجيل : 26/10/2007
| | موضوع: رد: كـــفــايــــــه 01/11/07, 06:30 pm | |
| | |
|
