ارجوك انساني

الله يرضى عليك أرجوك تنساني

اللي حصل لي من أسبابك يكفيني



ما أحب أكرر خطاي اليوم من ثاني

غلطه بخطوات عمري بأول سنيني


أدري زمانك غدر بك وجيت لي عاني

ليتك تذكرت جرحي يومك تجيني



ليتك تذكرت ماضي لي من أحزاني

أقدم الورد لك والشوك بيديني



كنت أرسمك حلم عمري كنت بلساني

كنت بخيالي وقلبي وكل مافيني



كنت أتصور معاك بيضيع حرماني

أعطيك أنا كل ذا الدنيا وتعطيني



كنت أتنفس وأحس إنك بوجداني

تصدق إحساسي إنك كنت تكويني



أرجوك أبعد على شانك ومن شاني

ترى الذي صار لايمكن ينسيني