واذا جيت القبر يابوي...نزلني شوي شوي

يابوي ليه تبكـي كـل مـا شفتـك وعينـك لـي
تخـاف أمـوت يابـوي ... وقبـل المـوت تبكينـي
تكفى يابوي لا تبكي وأنا موجـود معـك وحـي
أجل بعد الرحيل أشلـون فـي قبـري توطينـي
يابوي لو تمـوت النـاس ماتسـوى دموعـك ذي
وأنـا يابـوي ميـت قبـل أمـوت وأنـت محييـنـي
قسـم بالله يابـوي لجـل عينـك شربـت الـغـي
جرعت الهم والحرمـان وبحـر الويـل يسقينـي
تحملت السنين اللي طوتني في عذابي طي
وصار الجمر بكفوفي .. وتحـت أقـدام رجلينـي
يابوي ماعلى عمري حسافه ولا بقا بي شي
ولـكـن بطـلـبـك يـابــوي تـكـفـى لا تخلـيـنـي
يابـوي مابـي غـيـرك يغـسـل جثـتـي بالـمـي
وتكفى قبل لا أتكفـن .. يابـوي فكلـي عينـي
بأمر الله يمكن ألمحك وأرحل في عيني ضـي
وودع وجهـك الطـاهـر مــع دنـيـاي وسنيـنـي
وخل النـاس تحملنـي وترفـع راسـي ورجلـي
وتأخذني على قبـري وتكسـب أجرهـا فينـي
وأذا جيت القبر يـا بـوي نزلنـي شـوي شـوي
ووجـهـنـي لـبـيـت الله .. وقـبـلـه المصلـيـنـي
وحـط الطيـن وأدفنـي وعزالـلـي يـعـزي فــي
ثــلاث أيــام يـابــوي .. يـواســوك المعـزيـنـي
ورابـع يـوم يابـوي تذكـر .. ضحكـتـي وعيـنـي
تـذكـر وش كـنـت أقــول يــوم أنــك تنـاديـنـي
تذكر يـوم كنـت أنـام فـي ظـل النخـل والفـي
تجي يمي تصب الما..على وجهي وتصحيني
تذكـر جـرة المـوال وصـوت فــي حبـالـه كــي
تذكر يـوم أغنـي لـك قصيـدي وانـت توحينـي
تذكر ضحكتـك لا قلتلـك يابـوي عشقـي هـي
تذكـر كـم قصـيـدة خافـيـه مــا بيـنـك وبيـنـي
تذكـر كـل شـي كـان وأذكــر يــوم انــا حــي
ولــكــن أســالــك بالله يــابــوي لا تـبـكـيـنـي







مما قرأت ... فأدمى قلبي

مشكور لمساهمتك