[.كـآن قصدك عذآبي لآتوصـي حـريــص.]

كان قصدك عذابي لا توصـي حريـص .....
الزمـــن مايقصّـر وانـت فيــــك بركـــه

لاتعاند ترانـي صـرت مثـل القريـص.....
مــاحـد ٍ راح صوبــــه والعـذاب أنهكـــــه

لمعة الشوق فيني مثل لمـع الفصيـص.....
.والقـــدم سقتهـا لـك والطريـق أسلكــه

قانص ٍ لك وطحت برمش عينك قنيـص.......
يــــوم شفته غـدا بالقلـب صـوت دبكــــه

جيت بافر منّـك واثـر مالـي محيـص ......
حيـــث سهّمـــك تعـدا للحشـا وادهكـــــه

اشهد انّـك بقـدّرك وبغلاتـك بخيـص.....
من كــثر زود حبّك طحت وسـط إشبكــــه

انت وينك ترا الدعوى غدت حيص بيص ......
ويـن راح الذكـــا والفكـر والتكتـكــه

خـل قلبـي بحبّـك ياغناتـي يهيـص ......
وبين روحـــي وروحـك وقّـف المعركـــه

ماهو بشرط من دش البحر صار غيـص .......
كم وكــم واحـد ٍ شـاف البحـر واربكــــه

كبدي اليوم صارت ياحبيبي حميـص.......
وقرقعة قلبـي بصـدري تقـــول إتنكــه

الأمل أنطفـا نـوره وباقـي بصيـص .......
والعمـر فـــــات دوره والزمـان أدركـــه

صح قلت أبتعد لاشـك منـت برخيـص......
.ماتناســــاك عقلـي دام فيـه إحـركــــه

مايأثّـر عـذول ٍ جـا عيونـه نفيـص .....
راح منّـي وكفــــه مالقـــــهـر يفــركـــــه

ياحبيب ٍ جعلنـي مـن غلاتـه خبيـص .....
لــــه عيوني وطـن والـــروح لـه مملكـــه

ماعلي غير شوفـك ياحياتـي نقيـص ........
هـــاك خيـط المحبّـه وبيديـك إمسكـــه

بين هـم ٍ وتفكيـر ٍ وحـظ ٍ عويـص ............
كل من قـال خلّــــه قلـت كيــف أتركــــــه

كيف أخلّي حبيب ٍ في المحبـه خليـص......
.فــارض ٍ إحتـــــرامـه والحنـان ملـكـه

لو جعل لي رساله وسط مخبا القميـص.......
بــدري إن التجافـي والزعـل فبركـه

ويوم قلت أبتعـد والله منـت برخيـص ........
كيف يرخص مقــام اللـي هـواه حبكـــه

واللهيعطيك العافيه ياشاعرة المنتدى
أعذريني

كلمات رائعه وجميله

يعطيك الف عافيه خيتي

ننتظرجديدك

خاطره جميله ورائعه
تسلمييين اختي فراشه

قد أبحرت منذ زمن..
في بحار عينيك
وضعت في دوامات
من صنع يديك..
اغرقني حبك
حد الاختناق

صفحتكِ مرسى لاجمل الكلمات
وشاطئ لأرق المشاعر..
نبض الحروف تكلم..ونحن نصغي بكل امعان

الف شكر ع المرور

دمتم بود

من حلاوتها اعيد وزيد في قرائتها
كثري من الشعر

شيء رااائع وقليل بحقك
كلمة راااائع
ولكن مشكوره على القصيد الجميل